Aks e khushboo hoon Bikharne se na roke koi
Aur bikhar jaun to mujh ko na sametey koi
Kanp uthi hoon main ye soch ke tanhayi mein
Mere chehre pe tera naam na parh le koi
Jis tarah khwab mere ho gaye reza reza
Is tarah na kabhi toot ke bikhre koi
Main to us din se harasaan hoon ke jab hukam mile
Khushk phoolon ko kitabon mein na rakhe koi
Ab to is rah se wo shakhs guzarta bhi nahi
Ab kis umeed pe darwaze se jhanke koi
Koi aahat koi awaz koi chap nahi
Dil ki galiyan bari sunsaan hain aye koi
By: Parveen Shakir
No comments:
Post a Comment